جنون منتصف العمر (من حماسيس العراب)

انتي غير الناس انتي
انتي كل الناس انتي
انتي ما احد يشبهك
في مرايتك الا عيونك
انتي من يقدر يخونك
انتي من يقوى جنونك
انتي من يهوى جنونك
غير حبي غير قلبي

***
يا ترى من انا في دنيتك
يا ترى وش انا في نظرتك
يا ترى واحد من الناس
ايه انا واحد من الناس
حبك بدون قياس
وصارت حياته كلها وسواس
لحظة ..
يقول انك تحبينة
ولحظة ..
يقول انك تجافينة
ويكتشف من بعد مايفوته
قطار العمر وتعدي سنين
ان قلبه ما جــــــــنى
غير التوجد والحنين
وان بتعدي سنين
ثم تتبعها سنين
وانه بيبقى بقلبك
مثل ماهو من سنين
واحد من الناس
من عرض هالناس
حبك بدون قياس
لين ما صارت حياته
كـــلها وســـواس

***

انتي لو تدرين
وش انتي بحياتي
انتي أغلى امنياتي
انتي حلم العمر فيني
انتي أغلى من سنيني
انتي ذاتي
انتي شي أكبر
من وصوف الكلام
انتي يا أغلى الاتام
لو عرفتي كم احبك
وليه انا ما اقدر أنام
كنتي جيتيني
وحققتي امنياتي
انتي يا أغلى امنياتي
انتي وش انتي
سوى وردة تربت في عيوني
انتي وش انتي
سوى دمعة وحارت في جفوني
انتي وش انتي
سوى قيثارتي وانتي لحوني
ودي آخذ من جبينك
لليالي السود قمرا
ودي آخذ بيدينك
واقلب الصحراء خضرا
ودي أعرف
كيف اوصلك أحاسيسي تجاهك
كيف اباقدر يوم الفت انتباهك
كيف مدري كيف انا تهت بمتاهك

***

خبريني كيف ابالقى
في متاهاتك طريقي
كيف اصبر لوعتي
واطفي حريقي
انتي يا أعذب متاهاتي
وأجمل شي فيني
توهيني في دهاليزك
وبعده وصليني
اتركيني
اتركيني أعشق لحد الجنون
اتركيني أغرق بذيك العيون
غرقيني قي بحر عينك
لا تمدي لي يدينك
اتركيني أغرق بحبك
اتركيني اموت في حبك
والذي أرجيه منك
وقتها لا تنقذيني
**********************