لحظة رجوع

من طرف علاء الدين الأربعاء يناير 30, 2013 4:31 am

لحظة رجوع ضَمِت قلوب
مااحلا الصباح بعد الغروب
كل الظنون صبحت سراب
مااحلا الرجوع بعد الغياب
راح العذاب من غير عتاب
ورجعنا من تانى ِندوب
*****
لما السنين لَمَحِت عنيه
خادنى الحنين وجريت عليه
لا سَألته ليه ولا قال نصيب
ويفيد بأيه لوم الحبيب
لمسة أيديه..كُتر اللهيب
خَلونى تانى أغير عليه
راح العذاب من غير عتاب
ورجعنا من تانى ندوب
*****
بين العيون كان السلام
كان السكوت مليان كلام
وَعَدِت عنيه أجمل وعود
قالت يا ريت حُبك يعود
أفرح يا شوق غنى يا عود
لَحن بشوق غنوة غرام
راح العذاب من غير عتاب
ورجعنا من تانى ندوب
*****
ونسيت آهات الليل معاه
دى الذكريات والجاى هواه
ريح الفراق عدت وراق
بحر العذاب بالأشتياق
ما احلا اللقا بعد الفراق
لما القمر يحضن سماه
راح العذاب من غير عتاب
ورجعنا من تانى ندوب

من طرف الامبراطورة الأربعاء يناير 30, 2013 8:41 am

لحظة رجوع

لحظة رجوع

رد: لحظة رجوع