قصيدة وليدة لحظة وموقف ..!

من طرف زائر الجمعة سبتمبر 10, 2010 1:20 am

السلام عليكم ورحمة الله وبركاته ..

للاسف قلت اني ما راح اكتب مره ثانيه وراح اتوقف

بس ما قدرت ابد اني اتوقف عن الكتابه ..

وهذه قصيدة وليدة لحظة وموقف ..

تقبلوها كماهي .. عساها أن تنال جزء بسيط من اعجابكم

جـاه السـؤال ومافـطـن للإجـابـه=ماكنّه إلا (المـاء) تجـاوز (أناملّـه)
معقول مايعرف جواب(ن) درى به ..؟!=معقول (مايدري) وش اللي مجلله ..؟!
عِجِّي يا أرضـي واقشّعـي ياسحابـه=مادامني أزرع .. وشوك(ن) أحصلّـه
كـل الليالـي مثـل بعـض ٍ تشابـه=بس القمر فيهـا يغيّـر منازلـه ..!!
مـلّ القلـم تكـرار حـزن الكتـابـه=نفس الشعور بكل ليلـه يسجلّـه ..!!
الأذن ياذيـهـا طنـيـن الـذبـابـه=ياكيف ألومه لو سمع زنّ يوصلّه ..؟؟
حنا بزمـن يحـوي جميـع الغرابـه=ماني بمستغرب إذا الظـن بدلّـه ..!
البيـت يستنكـر اذا جيـت بابـه..؟!=واللي مع الشباك محد(ن) يجادلّه ..!!!

من طرف زائر الجمعة سبتمبر 10, 2010 1:21 am

البيـت يستنكـر اذا جيـت بابـه..؟!=واللي مع الشباك محد(ن) يجادلّه ..!!!

يامصوريـن القلـب عايـف ثيـابـه=القلب يلبس ثـوب(ن) الحـبْ فصلّـه

ماجيتكم فـي شـرع سبـع ٍ وغابـه=لوهـي كـذا.. دليّـت كتفـه وأكلّـه

توّحون صوتي مثل عوي الذيابـه ..!=اصبـر ياصوتـي دام هالليـل باولّـه

محد(ن) يغيّـر ماانكتـب فـي كتابـه=إلا كفـوف ٍ ترتـفـع لله تسـألـه.!!
<****** type="text/java******">doPoem(0)***********
وسلامتـكــم
\
/

قصيدة وليدة لحظة وموقف ..!

قصيدة وليدة لحظة وموقف ..!

رد: قصيدة وليدة لحظة وموقف ..!