حلم مات

من طرف الامبراطورة الخميس يناير 24, 2013 1:05 am

....
****
كنت واحدة من البنات
حلمي طاير فوق سمايا
برسمه بالأمنيات
وارتجي يحقق منايا
والتقي بحبيب يناجي
فيا ويخاطب هوايا
بس ليه فى الحلم دايماً
القي خوفي بيطاردنى
وابقي شايفة إن قلبي
لألف حيطة وسور بيبني

لما أقابل حب عمرى
و ييجى بينا كام سؤال...

ليه متبنيش الأمال ؟؟
ليه ما تتحدي المحال؟؟
وتقولي للحب عادي ؟!!
القي روحي بقوله خايفة
خايفة من يوم التلاقي
خايفة من غدرك الاقي
كل شئ يبعدني عنك
خايفة ليه مني ومنك ؟
خايفة اوهبلك حناني
وتلاقيني بإشتياقي
واعطيلك حبي وغرامي
تنتهز في ساعتها ضعفي
وتلاقيني فوقت قهري
ببكي عاللى كان لي باقي
وابقي بسهولة انجرحت
واندفن فيه كبريائي
بس خوفي جاي منين ؟
م اللي شفته م السنين
من ألام العاشقين
واللي بسمعها ف غناوي
خايفة يوم ملاقيش لقلبي
أي ذكري فى أمنياتك
ولا تمحيه من حياتك
وبكلمة تنهي الحنين
وتضيع حب السنين
وابقي ذكري وحلم مات
وانتهي ويا اللي فات
والقي روحي م الأسية
واقفة و تشوفك عنيا
ترتعش لمسه ايديا
تبكي عاللى ضاع معاك
ينتهي عمري ف سكات
وتلاقيني فدنيا يأسيّ
بهذي وأرسم أمنيات
وانهي رسمي بالهزيمة
وتلاقيني ماسكة لوحتي
ألوانها دمعي وأهات
واعترف لحظتها إني
كنت خايفة وحبي مات

من طرف علاء الدين الخميس يناير 24, 2013 1:45 am

حلم مات

حلم مات

رد: حلم مات