جديدي: شليت روحي

من طرف علاء الدين الجمعة يناير 18, 2013 7:56 am

*شليت روحي يا غلا روحي معاك...

.من لحظه طيفك وادع فوادي ومر

لوحت لك بالخافق اللي اهتواك.

..والنبض ينبض لك من اشواقه جمر

يا سالب فوادي تراني من غلاك

احس كل احشاء جسمي تنفجر

اسكنتك بوسط الكيان وما شراك

في داخلي يا منيتي ساكن بشر

انت غرامي اللي انا عشته حلاك

في دنيتي يا شمسها وضي القمر

بين الثريا والمجره مستواك

واخالك تنافس عطارد والبدر

شوف الخفوق بلهفته حضنه يباك

تعال واحيي الخافق اللي يحتضر

بستان وردي يرتجي نفحة شذاك

وشلون يبقى الورد من دون العطر

لامس غصونه وبلل اوراقه بنداك

واحيي عروق سنين حظي والعمر

تدرين ويش اللي يسبب لي الهلاك

اغمض عيوني وطيفك ما يمر