حبك جلكسي تتش

من طرف علاء الدين الجمعة يناير 18, 2013 7:05 am

الله على اللي شفر القلب تشفير
سوى نمط له خاص مع رقم سري
يفتح اذا اقبل ويقفل اذا يسير
لجله وعشانه بس القلب حصري
مزيون فايق عن وصوف الغنادير
باالتتش او الازرار هو طوع امري
برمجت حبي فيه في الذاكره كبير
مليار جيجا اضربوها ف عشري
وحطيت به قصه وعلوم واساطير
عن حبنا اللي فاق كل حب عذري
حبه يشافي عن علاج الدخاتير..
شوفه دوا للروح م الهم يبري
من زود حبي له سويت تذكير
في اخر الليله ومع بزغ فجري
صوته بكل رقه..تصبح على خير
ويسعد صباحك قوم اذن الفجري