أسواء نهاراً جاتني فيه الاخبار = أهون عليٌه منه موتت عيالي

من طرف نوف الأحد فبراير 10, 2013 11:17 pm

اهلاً وسهلاً بالجميع

هذه قصيده للشاعر هلال هليل المطيري عندما تقمص شخصية مدمن

مخدرات وقرر الانتحار بعد فصله من عمله / كتب هذه الابيات ليعتبر منها

كثيراً من الناس حيث نهاية كل مدمن سوف تكون بهذه الحسره وأشد منها

قائلاً :-

أسواء نهاراً جاتني فيه الاخبار = أهون عليٌه منه موتت عيالي

لحظة سمعته طحت في الارض منهار = وقع الخبر . تهتز منه الجبالي

وشكيت مابي للولي وال الاقدار = شكيت للمولى عزيز الجلالي

الواحد المعبود علام الاسرار = الواحد اللي عالماً مابحالي

محيي رميم العظم قصاف الاعمار = رباً عليه اليوم كل اتكالي

يلطف بحال اللي حظن خمسة اصغار = والوقت صعب ومال مافيه مالي

والسوق فيه اليوم غليات الاسعار = ومزرق عيالي ضاع والجيب خالي

وحسيت كن الجسم في صالي النار = ومثلي تقول انه على حر صالي

جداي اجر البوك واكتب فالاشعار = واشرح على بوك الورق ماجرالي

من عقب ماني حر في موقع احرار = نزٌلت نفسي بعد ماكنت عالي

ولاعاد لي حشمه ولاكفو مقدار = وصرت احتقر نفسي مابين الرجالي

ولو اعتذر ما احد قبل مني اعذار = غلطة عمر . منها جنيت الذلالي

واصبحت مثل الصفر فالحسبه ايسار = حملي ثقيل وصعب حملي يشالي

غلطة عمر صارت مثل بصمة العار = واليوم في الحكي قيلً وقالي

وامسيت مثل اللي على الغبن صبار = ودمعي من اغبوني على الخد سالي

ياليت عزرائيل ياسعود لي زار = اخير من حكيً عليٌه يقالي

ياسعود عزي صابه الوقت وانهار = وضحك علي اللي مايسوى ريالي

واحس دق بداخل القلب مسمار = والغبن في كبدي يزيد اشتعالي

ياسعود هاذي تعتبر مني اقرار = اقرار مني قبل أشد الرحالي

مجبور اواجه واعتمد دوس الاخطار = هبٌت هبوب العاصفه من شمالي

هاذي قصيده منتحر قالها أنذار = وباع العمر للستر والعمر غالي

ياسعود موتي ستر عن كل ماصار = وأمانتك بعد وفاتي عيالي

هاذي نهاية قصتي ياهل الدار = كتبت فيها الماضي اللي مضالي

وسترت نفسي عن حكي كل عيٌار = هلوووووو . على قبري