لحظه غيابك؟؟؟؟

من طرف نوف الأحد فبراير 10, 2013 11:06 pm

مرت بي الذكرى على درب الاسياب...
حزن وفرح والجرح صعب اندماله
صورة حزن بروازها دمع واهداب...
تحكي دموع العين كل ابتهاله
او صرخة من غابر الوقت تنساب...
في وادي قامت تردد جباله
مرت هواجيسي على دربي اسياب...
والفكر يطرد كل حلم طرى له
والليل بهموم المقادير جلاب...
مع شاعر حاير بسامر خياله
بامر الهوى خذلك من الوقت ماطاب...
أورد على صافيه واشرب زلاله
صاحبك لدروب الغلا والشقا جاب...
وظلم الليالي مابعدها عداله
غنيت لي صافي مشاعرك باعجاب...
عشتك عشير يسكن الهم باله
قسوة زمانك بعدها قسوة احباب...
خل حرمه الله وخل عطاله
ان جاني الصاحب بلا هجر وعتاب...
مشاعري غنت فرح في قباله
وان قلت لي مابيني وبينك حساب ...
الليل ماله غير طلة هلاله
الحب فارس داخل القلب غلاب ...
صعب عليك اسره وصعب قتاله
كني وحيد بغربتي مالي اصحاب...
اسري مع الهاجوس والقلب واله
مثل ابدوي في ليلة بدرها غاب...
سرى هواجيسه ونوخ جماله
ياصاحبي جرحي من اعوام ماطاب...
حلمي بعيد مر صعب مناله
الله وهبك ومعطي الخلق وهاب...
ياسارق شوف العيون بجماله
احباب واصحاب وخلان اغراب...
وقلب قتله الهم مما جراله
حاير على دربه عطيب ومنصاب...
من فيض نار القيض يرجي ظلاله
رسوم دار وباقي بيوت واطناب...
والقلب بعد افراقها وش بقاله
أسيح وهموم المقادير تنتاب...
والقلب لك ولهان والفكر داله
الماضي اللي نقض الجرح باعطاب...
صعب التجاهل به ومر اعتقاله
امسيت متوجس وخايف ومرتاب ...
بين اليقين وبين رفض احتماله

من طرف BRAHIM الأحد مارس 10, 2013 11:17 pm

لكـ جزيل الشكر

من طرف شادي1980 الجمعة يونيو 21, 2013 6:47 pm

سلمت يداك على الكلمات الرائعة
دائماً متألق بإختياراتك
فلك كل الشكر ويسبقه،،،،
ودي وتقديري

لحظه غيابك؟؟؟؟

لحظه غيابك؟؟؟؟

رد: لحظه غيابك؟؟؟؟

رد: لحظه غيابك؟؟؟؟